🧡【一個字：惹味！老字號正宗家庭式印尼菜】仲要好抵食！
-
呢間印尼家庭式小菜，本身係香港老字號嘅佢地舊年重開，已經有成45年歷史！新店環境好坐，仲有採光一流嘅落地大玻璃，小店設自助飲水機可以自由斟。由良心第二代承傳，俾大家用親民價錢食到佢地嘅家傳風味！
-
啖啖肉嘅《印尼醬燒雞髀飯 ($55)》醬汁同傳統印尼菜一樣偏甜，而且都偏向杰身，個醬汁個人嚟講幾鐘意🥰，雞髀係正常偏大隻，啱啱冚過飯面，啖啖肉唔鞋口，沾滿甜辣醬味 ，呢個價錢喺尖沙嘴嚟講性價比係高。
-
《峇里式豬肋骨飯 ($55）》一定要+$8試吓金貝飯！大件厚實豬肋骨都燜煮得好軟熟，好易咬開，熱辣辣，呢個汁偏向酸酸甜甜有果香，好好送飯。金貝飯係混合香茅、檸檬同椰汁整，因為烹調前後要用成6個鐘，比一般黃薑飯更香甜，係心機之作！
-
食埋甜品先圓滿，《雙式咖央多士 ($32)》會間唔中用唔同色嘅麵包整，今次係紅黑紅紅黑，麵包烘成脆身～中間夾住半融牛油+咖央醬，咖央醬有好濃椰汁香，加埋牛油好正。
-
峇里堂
地址：尖沙咀彌敦道176號The Nate3樓
Search